Jab ek Watch banne ke liye Watchmaker Chahiye to itne Complex Biological machines Khud Wa khud kaise ban Gayi

 Watch ko jab kholte ho to usme bahut sare cogwheels, springs, delicate chhote chhote screws hote hain aur yeh sab milke ek shaat kaam karte hain tab yeh time batane ke kabil hoti hain yeh watch koi aise hi by chance nahi ban gayi pehle iska design banaya gaya fir iske part fir insab ko fix kiya gaya tab jake yeh time batane ke kabil bani. ek watch banane ke liye watchmaker chahiye to ek eye banane ke liye bhi eye maker chahiye heart banane ke liye bhi heart maker chahiye khud wa khud aisi machine nahi ban sakti.

Cheetah 3 second main 0 se 60mph ki speed pakad leta hain jo kaam Farari jaisi car kar sakti hain aur Farari ko itni speed ke liye kaafi Research karke banaya gaya hain cheetah jo sikar ke liye Gazelle ke picchey lag jata hain kyu ki Gazelle bhi speed se bhaagta hain kabhi Gazelle apni jaan baccha leta hain to kabhi cheetah apna pet bhar leta hain, dono cheetah aur Gazelle bade acchey se banaye gaye hain. lungs bahut bade hain hawa ke liye aur heart bhi oxygen aur blood pump ke liye eye jo jisme camera jaise lens hota hain jisse dur ki chij aur pass ki chij par focus kar sakte hain. 

Girgat (chemeleons) aur cheetah dono mai yeh baat common hain ki dono apne sikar ke pass dhire dhire jaate hain fir achanak se bahut hi speed se attack karte hain Girgat sirf apni jubaan se attack karta hain jiski speed sabse jayda hain animal kingdom main 0 se 100kmph ki speed ek second ke sauvaan hisse mai pakad leti hain yeh kaise kaam karta hain yeh mystery hain. Haan kuchh theory hai jo sach ke najdik hain.

Octopus, Squid, aur cuttlefish ki skin ek jeeti jagti television screen jaise hain. Jaise Tv main dots hote hai jisko pixels kehte hain waise hi inki skin mai dots hote hain wo Tv jaise red, blue aur green nahi hote balki red, yellow, aur brown hote hain. Tv ke pixels on off dim bright colour ke mix hone se ek humko ek image nazar aati hain.

Aise bahut se janwar hai jisko main biological Machines kehta hu kya itni complex machines khud wa khud ban gayi ?

Agr God ne cheetah ko banaya hai to usne bahut hi zabardast biological killer machine banaai hain jo fast hain jiski Tezz nazar hain sharp panze aur daant hain aur ek buri tarah se Gazelle ko marne ke liye dimaag banaya gaya hain. Lekeen same ussi God ne ussi time Gazelle ko bhi itna behtarin biological machine bana diya jo cheetah se jaan bachane mai expert hain God ne dono ko fast banaya jo ek dusre ko nakaam kar sakte hain. Aap nahi bata sakte God kiske side hain isse to aisa lagta hain ki God ne khooni khel enjoy karne ke liye itni itni behtreen biological machines banayi hain jisme cheetah agr jeet jaye to Gazelle ko daboch ke bure tareeke se marta hain aur Gazelle jeet jaye to Cheetah bhook se tadap tadap ke marr jata hain. Kya God aisa kar sakta hain ? To kya itni complex design bina kissi designer ke ban gayi itni complex creation bina creator ke aise hi luck by chance ban gayi? Nahi balki iska jawaab Evolution Theory ne diya hain.

Agr Cheetah Randomly bane hota to sayad ek aankh pet pe hoti aur ek aankh naak par aur naak poonch par hota aur chaaro pair ek hi side mai hote by chance Randomly to aise hi results nikalte hain. But agr yeh randomly badlav bahut hi kam ho mamuli sa ho matlab thoda sa badlav ho cheetah ke panze pichhle generation se thodi se lambe ho gene mai badlav hone se mai uss gene ki baat nahi kar raha jo cheetah ke genome mai ho aur uske affect ki wajah se parents se panze lambe hue ho main ek new cheetah ke bacche ki baat kar raha hu jisme ek gene ki wajah se panze pe effect hua hain aisa same maa baad dada dadi nana nani kissi mai nahi tha yeh randomly change hua hai gene mai badlav (mutation) hua. mutation randomly hota hain yeh badlav kabhi behtar ke liye nahi hota jaydatar gene mai badlav ke natize kharaab hi nikalte hain Lekeen yeh chhota sa badlav cheetah ke survive karne mai faydemand ho to pehle se jayda improvement ho to yeh gene jayda survive karta hai.

Cheetah ke iss badlav ki wajah se yeh apne parents se jayda Tezz bhaag sakta hain aur iske bacchey bhi jayda sikaar karke jayda khana hasil kar sakte hai jisse yeh gene survive karta hai kya cheetah ke iss mutation ki wajah se Gazelle haar gaya actually nahi Gazelle mai bhi jo Tezz nahi bhaag pata wo cheetah ka khana ban jata hain aur jo apni jaan baccha leta hain wo aur bacchey paida karta hai aur uska gene survive karta hai unme bhi jinke gene mai mutation ki wajah se heart aisa ban jaye ya panze aise jisse aur Tezz bhaag paaye. Dhire dhire aise chhote chhote badlav ke lagatar hone ki wajah se ek new species ban jaati hain jo uss purani species se successfully baccha paida nahi kar sakti. jaise hum chimpanzee se nahi kar sakte. 

Agr kissi ne yeh design banaya hota to wo genius hota aur koi galati nahi karta Jaise Giraffe ko hi dekhlo uski laryngeal Nerve kitni Ghum Ke bapas brain tak aayi hue hain. Fish giraffe ki ancestor hain jaise jaise fish ka evolution hota gaya waise waise gardan lambi hoti gayi Gardan lambi hone se Nerve aur lambi ghumavdar hoti gayi itni ghumavdar kyu? jo bad design hai jo evolution ki wajah se hai yeh Evidence hai evolution hua hain. Jab watch ki design mai aisi galati ho to watchmaker isko sahi kar deta hain agr sahi naa kare to fir hum usko BLIND WATCHMAKER kahenge.

Issi badlav hone ki wajah se jo sabse fit hai wohi apna gene aage bhadane ki wajah se aap hum single cellular organ se ek multicellular organ se ek complex life se evolve hoke yaha tak aagaye aur evolution abhi bhi continue ho raha hain.

By- Shah Rukh Rao